كيف نُرضي والدينا ~ بتقدروا تجاوبوني..؟!ا

[Ḟăṫĕṁă]

فكرة طيبة مشرفنا ألماس.. : )

بداية..
في جملة مره سمعتها ، اكيد كلنا بنعرفها بس لغاية ما بدي احكيها..

آباءنا وامهاتنا مو مجبرين يحبونا لانها حبهم النا -احنا الابناء- فطرة لانه احنا حزء منهم!!

احنا جزء منهم
..
احيانا كثيرة بنختلف انا والدي او والدتي الله يحفظهم،،

وهالموضوع متكرر دائما وعلى ابسط الامور يمكن،،

انا من باب المزح بضل احكي عن هالوضع صراع اجيال!!
لا القصة مو هيك ع وجه الدقة..

..

كيف اكسب رضاهم..
صعب ..
بذكر والدي يوم نتائج التوجيهي كان جدا زعلان وكل الناس بتباركلي..
مو عاجبه 87...


انا بحاول انه الاشي اللي ما بيعجبهم ما اعمله،
يعني الوالدة ما بتحب اضل قاعده قدام شاسة الكومبيوتر!!
بتكرهه يعني،،
يعني ابطل استعمله صعب والله

بس لما تيجي تحكي معي وبكون بستعمل الجهاز بحاول قد ما اقدر اني اضل اطلع عليها واحسسها انه مهتمه لكل حكيها حتى لو كنت سمعته قبل هيك!!
وبشارك معها بالحكي كمان ،،

شغلة بتزعج امي ا وهي المزاجية!!
بحاول والله بس مو دايما بطلع بنتيجة..بس بضل احكيلها انا عملت كذا مشان كذا..
بفسر يعني ،يعني صحيح ما بتقتنع بس بترضى شوي وبتفهم تصرفي
..
طبعا اللي حكيته امثله ساذجة وبسيطة مو بالضرورة يتطابق مع الكل ويمكن مو الحكي اللي بتحتاجه..

بس حاولت اوصلك -وبفهمي المحدود- انه الاختلاف طبيعي..
الزمن مختلف والتفكير كمان،،
بس المهم انه نحاول قد ما نقدر نقرب المسافات بينا وبينهم..


بالتوفيق..

: )

[هديل الروح]

	كتبت بواسطة almas

	أختي الصغيرة هديل الروح ممكن توضحي لنا شو هي هاي الأسلحة..؟ وهل هي محرّمة دولياً والا لأ..؟! ( : لأنّي عن جدّ بدّي إشي عملي

ههههههه
أضحك الله سنكم أخوي..
قصدي بأسلح القصف والنسف للمطباات.. إللي بتواجهناا لكسب رضااهم... " إللي أكيد مو محرمة" ....
برجع بكرر كلامي أخوي.. نفهم نفسيتهم منيح ...نحدد شو بدهم مناا... أمشي بالطريق ..
هطريق أكيد حيكوون صعب بس بالتأكيد مو مستحيل..

مثلا :
والدتي الله يمدلي بعمرهاا.. دايما بتسمعني كلاام .... ، بسبب خبرتي الضئيلة جدا بالمطبخ... فمرة وهي طالعة طلعت وصفة أكلة من النت .. وطبخت مع إني بكره المطبخ جدا جدا جدا.. بس مشاانها ابدعناا ...فلما رجعت كتير انبسطت وظلت تدعيلي ..مع إني كتير كتير اتغلبت وعدت الأكلة مرتين للما صاارت هاا كويسة...بس بجد شعوري كاان لا يوصف..

وصرت أحن عليهااا أكتر .. يعني لما تكون قاعدة مثلا.. أضمها وأبوس راسهاا.. وأحكيلهاا شو ناقصك .. مين مغلبك...أطلع اناا ويااها أي مكاان وتكوون الطلعة باسمها.. أجيبلهاا أشيااء بسيطة من غير منااسبة.. بجد لقيت نتااائج مذهلة...
"الأهل لماا يكبروو بيصيروو بدهم حنااان أكتر ويحسو ولادهم لساا إلهم حتى لو اتزوجوو أو أو.."

الوالد "روح القلب" دايماا راضي والحمدالله + حنااان + بعض الأشيااء الرمزية....

ياارب أكوون قدمت شي ولو واحد بالألف يفيدك أخووي..

أسفة جدا على الإطاالة...

وصلك الله لمرادك

[ALMAS]

	كتبت بواسطة سراج السحر

	سبحان الله .. هي كل المشاكل في أمورا ً مصيرية .. أنا أتوقع في هذه الحالة لا بد من الحوار والنقاش وكل ٌ أدرى بمفاتيح والديه .. يبقى أنهم أدرى بمصلحة ابنهم ولكن لا بد من جلسة حوارية تتفتح فيها الأذهان وتوضع النقاط على الحروف وتفند السلبيات والإيجابيات .. وأنا متيقنة أن الأسلوب الهادئ والنقاش المتزن له أكبر التأثير عليهم ...

كلامٌ جميلٌ وتوجيه طيّبٌ
وربّما تنقصنا مهارة الحوار كثيراً
وفي بعض الأحيان لا يوجدُ حوارٌ أصلاً
!!!

	كتبت بواسطة سراج السحر

	وطبعا ً السلاح الأقوى والأجدر الدعاء .. فالله وحده يعلم مصير الأمور المصيرية وكيف سيكون تأثيرها علينا .. يارب يجعل هذا الموضوع بابا ً ندخل منه لعالم البر ورضا الوالدين ..

نسأل الله تعالى أن يمنّ علينا بالرضا والمغفرة
وأن يُرضي عنّا والدينا
اللهم آمين
~

جزاكم الله خيراً أختي الكريمة
سراج السحر

كلماتٌ رائعة ونصائح في محلّها
بوركتم

[ALMAS]

	كتبت بواسطة Ḟăṫĕṁă

	آباءنا وامهاتنا مو مجبرين يحبونا لانها حبهم النا -احنا الابناء- فطرة لانه احنا حزء منهم!! احنا جزء منهم

كلام واقعي فعلاً..

	كتبت بواسطة Ḟăṫĕṁă

	بس لما تيجي تحكي معي وبكون بستعمل الجهاز بحاول قد ما اقدر اني اضل اطلع عليها واحسسها انه مهتمه لكل حكيها حتى لو كنت سمعته قبل هيك!! وبشارك معها بالحكي كمان ،،

أسلوب مناسب لإظهار الاهتمام، وهو في الحقيقة المفروض يكون طبيعي
لأن أي شخص بحكي معنا وبنفس الوقت ما بننتبه لكلامه وبنلتهي بإشي ثاني، هذا كله بدلّ على عدم الاحترام
وللأسف هذا الإشي بصير..!

	كتبت بواسطة Ḟăṫĕṁă

	شغلة بتزعج امي ا وهي المزاجية!! بحاول والله بس مو دايما بطلع بنتيجة..بس بضل احكيلها انا عملت كذا مشان كذا.. بفسر يعني ،يعني صحيح ما بتقتنع بس بترضى شوي وبتفهم تصرفي

كمان المزاجية بتسبب تصادم مع الأهل..

	كتبت بواسطة Ḟăṫĕṁă

	طبعا اللي حكيته امثله ساذجة وبسيطة مو بالضرورة يتطابق مع الكل ويمكن مو الحكي اللي بتحتاجه..

بالعكس .. كل كلمة بتنكتب هون بالنسبة إلى مهمة جداً جداً
الله يجزيكم الخير على إثراء الموضوع بأمثلة عملية
ولكم جزيل الشكر مشرفتنا الكريمة
Ḟăṫĕṁă

بوركتم

[ALMAS]

	كتبت بواسطة هديل الروح

	برجع بكرر كلامي أخوي.. نفهم نفسيتهم منيح ...نحدد شو بدهم مناا... أمشي بالطريق .. هطريق أكيد حيكوون صعب بس بالتأكيد مو مستحيل..

الشغلة بدها محاولة جادّة فعلاً

	كتبت بواسطة هديل الروح

	وصرت أحن عليهااا أكتر .. يعني لما تكون قاعدة مثلا.. أضمها وأبوس راسهاا.. وأحكيلهاا شو ناقصك .. مين مغلبك...أطلع اناا ويااها أي مكاان وتكوون الطلعة باسمها.. أجيبلهاا أشيااء بسيطة من غير منااسبة.. بجد لقيت نتااائج مذهلة... "الأهل لماا يكبروو بيصيروو بدهم حنااان أكتر ويحسو ولادهم لساا إلهم حتى لو اتزوجوو أو أو.."

كلام سليم ولازم نعوّد أنفسنا على هذا الإشي

	كتبت بواسطة هديل الروح

	الوالد "روح القلب" دايماا راضي والحمدالله + حنااان + بعض الأشيااء الرمزية....

ربنا يحفظه هو والوالدة الكريمة
ويكتب لك رضاهم دائماً

	كتبت بواسطة هديل الروح

	ياارب أكوون قدمت شي ولو واحد بالألف يفيدك أخووي..

أكيد طبعاً .. الفائدة موجودة في كلّ كلمة إن شاء الله
مشكورة جداً أختي هديل الروح
كلام أكثر من رائع
وأمثلة عملية مميزة
بوركتم

[مطر مطر]

	يمكن السؤال بسيط

عارف يا أخي ألماس ,,,,,أيام أبسط الأسئلة والأمور بس نوقع فيها

بنبطل نعرف اجابتها وحلولها,,,,وبتصير معقدة ومؤرقة!!!

(كتير صارت معي)



,,,,,,,,,,

	كيف ممكن الإنسان يكسب رضا والديه ...؟

في كتير أمور وطرق بتكسبنا رضى والدينا,,

من ضمنها
انو ندور على أمور واهتمامات مشتركة بينا وبينهم

وبوقت الخلاف ندور على النقطة الي ممكن نجمع عليها احنا الطرفين
ونتصافى فيها وناقشهم بطريقتهم وبمنطقهم..


...........

ومن ضمنها برضو
طاعتهم(بالرغم انه هالنقطة ما بتنفع بكل الأمور والمواقف)

لكل بنحاول على قدر استطاعتنا
وبنقطة خلافنا معهم نحاول نقنعهم بأسبابنا,,
بمنطقهم وبطريقتهم.


.......

والله يرزقنا جميعاً رضاهم ويخليلنا اياهم^^